دقية كوسة باللحمة المفرومة مع شوية رز بشعرية و طبق صغير من الشطيطة..اكلة من ايد ست الحبايب بنشم ريحتها واحنا علي السلم 🔥😋
#دقية_الكوسة_باللحمة_المفرومة
لحمة مفرومة - كوسة - بصل مفروم - حمص طبيخ - عصير طماطم - صلصة -ملح - فلفل -بهارات -كبابة صيني - سمنة
*الدقة السحرية*
ثوم مفروم - فلفل رومي - فلفل حامي - مكعب مرقة - ملح - فلفل - كمون - كزبرة - خل
اخلطي اللحمة المفرومة بالبصل المفروم والتوابل وبعدين انزلي بمعلقة الصلصة تاخد تشويحة معاها وعصير الطماطم وسبيها تغلي غلوة
دقي فلفل رومي مع حامي مع فصين توم ومكعب مرقة مع معلقة خل والتوابل
وحطي من الدقة السحرية دي معلقة كبيرة علي الصلصة وهي بتغلي وشمي احلى ريحة للتسبيكة
انزلي بقى بالكوسة بعد ماتقطعيها و سيبيها تاخد سواها
#الارز_بالشعرية
ارز - شعرية -مكعب مرقة - لبن -ملح -حبهان -سمنة - زيت
حمري الشعرية في شوية زيت مع معلقة سمنة وانزلي بمكعب المرقة والحبهان و بعدين الارز وشوحي كله مع بعض
حطي بقى مقدار الماية الا كوباية
وزودي كوباية لبن هتودي الارز في حتة تانيه خالص وسبيه ياخد سواه والف هنا وشفا
#الشطيطة
فلفل حامي -طماطم -ثوم مفروم -ملح - فلفل -كمون - كزبرة -بابريكا -خل - زيت
شوحي التوم والفلفل في شوية زيت وانزلي بالطماطم المكعبات مع التوابل وسيبي الخلطة دي تغلي شوية وكلي احلى شطيطىة جمب الاكل
إضافة تعليق